MSH: Të gjithë personat e testuar sot për koronavirus janë me rezultate negative

17:54 | 12 Mars 2020
Arditë Shkodra

Ministria e Shëndetësisë informon se rezultatet e të gjithë të testuarve sot janë negative për coronavirusin.

Një person që mbërriti nga Gjermania më 7 mars, si dhe tetë pacientët më herët nga Shkupi – bashkudhëtarët dhe kontaktues të afërt, të cilët ishin në izolim në shtëpi për dy javët e fundit, u testuan për coronavirus këtë mëngjes.

Udhëtarët nga Strumica, të cilët gjithashtu kaluan 14 ditë në izolim në shtëpi dhe mbërritën me pacienten e parët të infektuar me coronavirus, do të testohen nesër.

“Masat e rekomanduara nga Ministria e Shëndetësisë do të diskutohen në një seancë të Qeverisë këtë pasdite, pas takimit me Komisionin për Sëmundjet Infektive dhe Komisionin për monitorim dhe informim për coronavirus. Qeveria dhe Ministria e Shëndetësisë do të informojnë për vendimet e seancës”, thuhet në deklaratën e Ministrisë së Shëndetësisë